БҚО жолдарында полицейлер жасырын қадағалауды бастайды
БҚО полицейлері жол қозғалысына қатысушыларға ережелердің сақталуын жасырын қадағалаудың басталғаны туралы ескертті. Бұған, ІІМ бұйрығы және авариялардың алдын алу негіз болып табылады.
— Орал аумағында полиция департаментінің қызметтік автомашинасын пайдалана отырып, жол қозғалысына жасырын қадағалау жүргізіледі. Бұл автомашинада жол қозғалысы ережелерін бұзуды тіркеуге арналған фото және видео құралдар орнатылды, кейіннен патрульдік нарядтарға беріліп, Қазақстан Республикасының заңнамасына сәйкес шаралар қабылданды, — деп атап өтті БҚО полиция департаментінің баспасөз қызметі.
Айта кетейік, жақында Оралда жаңа жылдамдық өлшегіштер іске қосылды, олар қысқа уақыт ішінде бірнеше ондаған мың бұзушылықтарды тіркеді. Сондай-ақ, полицейлердің жіті назарына Ресей тіркеуі бар автомашиналар түсіп, олар айыппұл тұрағына қамалды.
