Оралда қайтыс болған белгілі дәрігер-терапевт ұлымен бірге жерленді
Жерлеуді отбасымен таныс Алексей ұйымдастырды. Ер адам журналистпен телефон арқылы сөйлескен кезде фамилиясын айтқысы келмеді, сонымен қатар түсінік беруден бас тартты. Өзінің жұмыс бастылығына сілтеме жасай отырып, ол «оларды ұлымен бірге жерледім»деп, басқа уақытта қоңырау шалуға уәде берді.
Естеріңізге сала кетейік, Татьяна БУТКЕВИЧТІ, зейнеткер терапевтті, екі апта бұрын полиция қызметкерлері өз пәтерінде өлі күйінде тапты. Полицияға онымен бірге бір кіреберісте тұратын көршілер қоңырау шалды.
Жерлеу рәсімі 10 қарашада өтті. Алексей журналистпен байланысқа шыққан жоқ.
Бірақ Татьяна Буткевичтің сыныптастарымен ол бұл мәселені талқылаған, Ресейде, Энгельс қаласында тұратын марқұмның үлкен әпкесі Тамараның өтініші бойынша туыстарының қасына жерлегенін айтты.
Оның айтуынша, туысы оған қоңырау шалып, болған жағдай туралы хабарлады, жерлеу рәсіміне қаржы жіберді. Ол Татьяна Буткевичті екі күн бұрын қайтыс болған ұлымен бірге бір қабірде, жаңа қалалық зиратта жерледі.
Татьяна Буткевичтің сыныптастары болған оқиғаны «Орал апталығы»сайтындағы жарияланымнан білгендерін айтты.
— Біз таң қалып отырмыз, Таня өте керемет дәрігер, өз ісінің маманы болды. Ол күйеуінің қазасына қатты қайғырды, сонымен бірге үйде отырған мүгедек ұлына алаңдады. Олар әрдайым жабық өмір сүрді, бірақ біз Танямен жиі болмаса да сөйлесіп тұрдық, бірақ бізге жас та келіп қалды, оның үстіне соңғы екі жылдағы коронавирус, — дейді Татьяна Буткевичтің сыныптастары.
Сыныптастарының, таныстарының, Татьяна Буткевичпен болған оқиға туралы білгендердің айтуынша, олар онымен қоштасып, соңғы сапарға шыға алмағандарына қатты өкінеді.
— Біз бәріміз түсінеміз, өмірдегі жағдайлар әртүрлі, кейде, өкінішке орай, өте жағымсыз. Алексей Таня мен оның ұлын жерлегеніне ризамыз, бірақ неге жерлеу рәсімінің айналасында сонша құпия бар? Біз шын жүректен көмектескіміз келді және тек біз ғана емес, Таняны білетіндердің бәрі – оның әріптестері мен пациенттері, ол біздің көптеген тұрғындарымызға көмектесті деп ойлаймыз. Біздің сыныптасымыз қандай жағдайда қайтыс болды, біз «ОА» басылымынан білдік, бірақ қалай қайтыс болды, Алексей ештеңе айтқан жоқ, тек Татьяна 1 қарашада қайтыс болды деп жауап берді», — деп бөлісті дәрігердің сыныптастары.
Естеріңізге сала кетейік, медициналық сарапшылар дәрігердің өлімінің себебі туралы түсініктеме берген жоқ.
Сондай-ақ, «ОА» — да мақала жарияланғаннан кейін редакцияға зейнетке шығар алдында жұмыс істеген№3 қалалық емханадан Татьяна Буткевичтің әріптестері жүгініп, олар да жерлеуді ұйымдастырғандарға көмектескісі келді.
Мария Драчева
